БАДИИЙ АСАРДА МИЛЛИЙ ВА УМУМИСОНИЙ ҚАДРИЯТЛАР ТАЛҚИНИ

Abstract

Луқмон Бўрихон ижодида бугунги жамиятимизда кечаётган ўзгаришлар
янгиланишлар ва дунёда бўлаётган ижтимоий-сиёсий муаммоларга жавоб
тариқасида Комил шахс, Тинчликпарварлик, Имон, Адолат, Муҳаббат,
Садоқат, Миллий қадриятларни асраш, Фаровонлик, Оилапарварлик каби
этик-эстетик идеаллар акс этган. Ёзувчи глобаллашув даврида юзага келган
турли-хил уруш ва ахлоқсизликларга қарши ўз бадиий ижодида ҳам
публицистик суҳбатларида оқилона жавоб берган. Луқмон Бўрихон
адабиётнинг буюк куч қудратини чуқур ҳис қилган ҳолда ўз асарларида
жамиятимизга фойдаси тегадиган адабий қаҳрамонлар ва ғояларни
ифодаламоқда. Адиб журналист билан суҳбатида ёзувчининг вазифаси ҳақида
шундай дейди: “Шу жамиятда яшар эканмиз, албатта, шу юртга фидокорона,
сидқидилдан хизмат қилишимиз лозим. Ўз навбатида биз ижодкорлар ҳам
маънавиятга, маърифатга етакловчи ғояларимиз, асарларимиз билан
адабиётимизни янада ривожлантиришга ҳисса қўшмоғимиз даркор. Ушбу асар
орқали ёшлар маданиятини оширишга, маърифатга чақиришга,
китобхонларни буюк аллома билан таништиришга имкон қадар ҳаракат
қилдим. Албатта, роман қай даражада ёзилганига ўқувчилар баҳо беради”